““ဒေါက်တာဘမော်၏ ပြောပြချက်””

““ဒေါက်တာဘမော်၏ ပြောပြချက်””

          ၁၉၄၆-ခုနှစ်၊ သြဂုတ်လ ၅-ရက်နေ့။

          ဤနေ့တွင် ရန်ကုန်မြို့သို့ အဓိပတိဟောင်း ဒေါက်တာဘမော်သည် အင်္ဂလိပ်စစ်လေယာဉ် ပျံတစ်စင်းဖြင့် ပြန်လည်ရောက်ရှိလာသည်။ ဒေါက်တာဘမော်အား သွား၍ကြိုဆိုကြသော မိတ်ဆွေများ မှာ ကျွန်ုပ်အပါအ၀င် ဓါးမပါတီဝင်များဖြစ်ကြသော ဗန္ဓုလဦးစိန်၊ ဟင်္သာတဦးမြ၊ ပျော်ဖွယ်ဦးမြ၊ ဦးဘ၀င်းနှင့် တခြားလူကြီးလူကောင်း တော်တော်များများပင်ဖြစ်၏။ သွားရောက်၍ကြိုဆိုသည့် ကားမှာ အစီးပေါင်း၂၀-ရှိလေသည်။

          များမကြာမီ ဒေါက်တာဘမော်စီး၍လာသော အင်္ဂလိပ်စစ်လေယာဉ်ပျံသည် နိမ့်၍နိမ့်၍ မင်္ဂလာဒုံလေဆိပ်သို့ ဆင်းလာလေ၏။ လေယာဉ်ပျံဆိုက်လိုက်သောအခါ ဒေါက်တာဘမော်သည် အင်္ဂလိပ်စစ်ပုလိပ်နှစ်ယောက်နှင့်အတူ ဆင်းလာလေ၏။

          ဒေါက်တာဘမော်သည် အနည်းငယ်ပိန်သွားသည်။ သူဝတ်ဆင်ထားသည်မှာ ပိုးအနက်ရောင် ဥရောပ၀တ်စုံဖြစ်သည်။ သူ၏နာမည်ကျော် ဓါးမပါတီဦးထုပ်ကို ဆောင်းထားလေသည်။ လာရောက် ကြိုဆိုသူများကို တစ်ဦးချင်းလိုက်၍ လက်ဆွဲနှုတ်ဆက်၏။ သူ၏သြဇာတိက္ကမရှိသောအသံကား မပြောင်း။ မာမြဲမာနေတုန်းပင်။ ဒေါက်တာဘမော်ကို သတင်းထောက်များက ၀ိုင်း၍ဓါတ်ပုံရိုက်မည် ပြုကြ၏။ ဒေါက်တာဘမော်က ဓါတ်ပုံမရိုက်ရန် မေတ္တာရပ်ခံပါသည်။

          သည့်နောက်ပိုင်းတွင်မူ ဒေါက်တာဘမော်သည် အင်္ဂလိပ်စစ်ပုလိပ်နှစ်ယောက်နှင့်အတူ ကန်တော်ကြီးပတ်လမ်း(ယခုနတ်မောက်လမ်း) သူ့နေအိမ်သို့ ကားနှင့်သွားကြ၏။ ကျွန်ုပ်ကလည်း သူနှင့်အတူပါသွားလေသည်။ သူ၏နေအိမ်သို့ ရောက်လေသောအခါမှ မိတ်ဆွေများနှင့် သတင်းထောက် အများရှေ့တွင် သူ့အတွေ့အကြုံ ဖြစ်ကြောင်းကုန်စင် ဇာတ်အစုံအလင်ကို ရှင်းပြပါတော့သည်။

          ““၁၉၄၅-ခုနှစ်မှာ ကျွန်တော်ဟာ မော်လမြိုင် မုဒုံဘက်ကို ဂျပန်နှင့်အတူ ထွက်ပြေးခဲ့ပါတယ်။ သြဂုတ်လ ၁၇-ရက်နေ့မှာ မုဒုံကနေပြီး ဗန်ကောက်မြို့ကို လေယာဉ်ပျံနှင့်တစ်ခါသွားပါတယ်။ ဘန်ကောက်မြို့ကနေပြီး နောက်တစ်ရက်မှာ ဆေးဂုံမြို့ (Saigon) ကို သွားပြန်ပါတယ်။ ဆေးဂုံမြို့မှာ ရောက်ရှိနေတဲ့ ကျွန်တော့်ဇနီးနှင့်သားသမီးများကိုတွေ့ပြီး သူတို့ကို ကိုယ့်ဗမာပြည်ပြန်ပို့ပေးရန် စီစဉ်ပါတယ်။ အဲဒီလိုစီစဉ်ပြီးနောက် လေယာဉ်ပျံနှင့် တစ်ခါ ဖေါ်မိုဆာ(Taiwan)  ကိုသွားပြန်ပါတယ်။

          တရုပ်ပြည် ဖေါ်မိုဆာကျွန်း ရောက်ပြီးလို့တစ်ခါ ဂျပန်ပြည်ကို လေယာဉ်ပျံနဲ့သွားပြန်ပါသေးတယ်။ လမ်းမှာ မမျှော်လင့်ပဲ အမေရိကန်လေယာဉ်ပျံတစ်စင်းနဲ့ တိုးပါလေရော။ ကျွန်တော်စီးလာတဲ့ ဂျပန်လေယာဉ်ပျံကို စက်သေနတ်နဲ့လိုက်ပစ်ပါတယ်။ ကျွန်တော်တို့ လေယာဉ်ပျံကိုမောင်းတဲ့ဂျပန်ဟာ အတော်လေးဉာဏ်ကောင်းသူဖြစ်ပါတယ်။ ဘာကြောင့်လဲဆို အမေရိကန်လေယာဉ်ပျံကစက်သေ နတ်နဲ့ပစ်တယ်ဆိုရင်ပဲမလွတ်သာမရှောင်သာတဲ့အဆုံးမှာလေယာဉ် ပျံကို ကျည်ဆန်ထိမှန်သွားတဲ့အနေနဲ့ တစ်ခါထဲ ပင်လယ်ထဲကို ထိုးပြီးဆင်းသွားတယ်။ အဲဒီနောက် အချိန်လေးအတော်ကြာသွားမှ တစ်ခါပြန်ပြီးအထက်ကို ထိုး တက်ပါတယ်။ ဒီအခါမှာ ကျွန်တော်စီးလာတဲ့ ဂျပန်လေ ယာဉ်ပျံထဲက အမေရိကန်လေ ယာဉ်ပျံကို မြင်တော့မြင်ရတယ်။ ဒါပေမယ့် ခရီးက အတော်လေး ဝေးသွားပြီ ဒါကြောင့် နောက်က လိုက်ပြီး စက်သေနတ်နဲ့ မပစ် တော့ဘူး။

          အောက်တိုဘာလ ၂၄- ရက်နေ့မှာ ကျွန်တော်ဂျပန်ပြည် ပေါ်သို့ရောက်ပါတယ်။ ဒီအချိန် မှာ ဂျပန်အစိုးရကလည်း စစ်ရှုံးလို့ လက်နက်ချနေပြီ။ အမေရိကန် စစ်တပ်က ရှိရှိသမျှ ဂျပန် လေယာဉ်ပျံများ အဆင်းအတက် မပြုရလို့ အမိန့်ထုတ်ထားတဲ့ အချိန်ဖြစ်ပါတယ်။

          ဒါကြောင့် မြို့နဲ့ အတော် ခရီးလှမ်းတဲ့ တောစပ်တစ်နေရာမှာ ကျွန်တော်တို့စီးလာတဲ့ ဂျပန် လေယာဉ်ပျံဟာ လျှို့ဝှက်ပြီး ဆင်းရပါတယ်။ အဲဒီနောက်ပိုင်း မှာတော့ ဂျပန်တော်ရွာလေး တစ်ရွာမှာသွားပြီးပုန်းနေရ ပါတယ်။ ဂျပန်ဘုန်းတော်ကြီး ကျောင်းမှာ သွားရောက်ခိုလှုံရ ပါတယ်။ ဂျပန်ဘုန်းတော်ကြီး ကလည်း ကျွန်တော့်ကို အစစ အရာရာ ပြုစုစောင့်ရှောက်လို့ သူ့ရဲ့ကျေးဇူးတရားကို ဘယ်တော့မှ မမေ့နိုင်ပါဘူး။

          နေ့ရှိသမျှ အချိန်တိုင်းလိုလို ကျွန်တော်ဟာ ကိုယ့်ဗမာပြည်ရဲ့ နိုင်ငံရေးအခြေအနေကို အမြဲတမ်းနားစွင့်လို့နေပါတယ်။ နောက် ဇန်န၀ါရီလမှာ ဦးအေး(မြင်းပွဲအသင်းဥက္ကဋ္ဌကြီး ဦးဘိုးဗျော့၏ သမက်)ဟာ အင်္ဂလိပ်ဘုရင်ခံ မစ္စတာရန့်နဲ့အတူ အစိုးရဖွဲ့လိုက်ပြီလို့ တစ်စွန်းတစ်စ ကြားမိပါတယ်။ ဒီတော့မှ ကိုယ့်ဗမာပြည်ကို အလွန်ပြန်ချင်တာကြောင့် အမေရိကန်စစ်တပ်က စစ်ဗိုလ်ကြီးထံမှာ ဗမာပြည်မှာ အဓိပတိလုပ်ခဲ့တဲ့ ဒေါက်တာဘမော်ဆိုတာကျုပ်ပဲဆိုပြီး အဖမ်းခံပါတယ်။ ကျွန်တော့်ကို အမေရိကန်စစ်တပ်က တိုကျိုမြို့ထောင်ကြီးမှာ ချုပ်ထားပါတယ်။

          အဲဒီအချိန်က တိုကျိုထောင်ကြီးထဲမှာ အကျဉ်းသားတရားခံကို နှစ်မျိုးနှစ်စား ခွဲခြားထား ပါတယ်။ ဂျပန်အမျိုးသားတရားခံဆိုရင် အင်္ကျီအနီဝတ်ထားပါတယ်။ တိုင်းတစ်ပါးသားဆိုရင် အင်္ကျီအပြာဝတ်ထားပါတယ်။ ကျွန်တော်လည်း အင်္ကျီအပြာကို ၀တ်ထားရပါတယ်။ ဒီထောင်မှာ အုပ်ချုပ်တဲ့ ထောင်ပိုင်ကြီး(အမေရိကန်လူမျိုး)က ကျွန်တော့်ကို ပန်းကန်ဆေးခိုင်း အမှိုက်လှည်းခိုင်း တယ်။ ကျွန်တော်က မလုပ်ဘူးလို့ ငြင်းပါတယ်။

          ဒီလိုပြောတာကြောင့် ထောင်ပိုင်ကြီးက စိတ်အလွန်ဆိုးပြီး ကျွန်တော့်ကို ၉-ပေ ၆-ပေသာ ရှိတဲ့ အခန်းကျဉ်းလေးထဲ ပြောင်းရွှေ့ချုပ်နှောင်ထားပါတယ်။ ကျွန်တော်လွတ်မြောက်လာ တဲ့အထိ ဒီအခန်းကျဉ်းလေးထဲမှာ နေခဲ့ရပါတယ်။

          အမေရိကန်စစ်တပ်က စစ်ဗိုလ်တွေ မကြာခဏ ကျွန်တော့်အခန်းထဲလာပြီး ခြိမ်းချောက်ပါတယ်။ ဘယ်နိုင်ငံက စစ်တရားခံကို ကြိုးပေးသည့်ဓါတ်ပုံ၊ ရက်ရက်စက်စက်သတ်ဖြတ်ထားပုံများကို ဓါတ်ပုံ ရိုက်ပြီး ကျွန်တော့်ကို ခဏခဏလာပြပါသည်။ ကြာတော့ ““သြော်.. ငါလဲဒီလိုသေရတော့မှာပဲ။ ငါနေတဲ့ဗမာပြည်ကိုတော့ ဘယ်လိုနည်းနဲ့မှပြန်ရောက်တော့မှာမဟုတ်ဘူး။ ငါအလွန်ချစ်တဲ့ မိတ်ဆွေ တွေနဲ့လည်း ဘယ်တော့မှတွေ့နိုင်မှာမဟုတ်တော့ဘူး””လို့ ထင်ခဲ့မိပါတယ်။ ခုလို ကံကောင်းထောက် မလို့ ကိုယ့်မိတ်ဆွေဟောင်းတွေနဲ့ မသေမပျောက်ပြန်လည်ပြီးတွေ့ရတာ အများကြီးပဲ ၀မ်းမြောက် ၀မ်းသာဖြစ်မိပါတယ်။ နှောင်းအတိတ်ကအကြောင်းတွေကို စဉ်းစားမိရင် ၀မ်းနည်းမိပါတယ်။

          ယင်းသို့ပြောနေစဉ်မှာပင် ဒေါက်တာဘမော်၏အသံသည် ငိုသံပါလာ၏။ ပြီးနောက် မျက်ရည် များလည်း စီး၍ကျလာပါသည်။ သူ၏စကားကို နားနှင့်ကြားရသော ကျွနု်ပ်တို့တစ်တွေသည်လည်း ရင်ညွန့်ထဲက တစ်လှိုက်လှိုက် တစ်ဖိုဖိုနှင့် ခံစားနေရလေသည်။

          ““ကျွန်တော့်ကို အမေရိကန်ပြည် ပြည်ထဲရေးဌာနက ဗမာပြည်မှာရှိတဲ့ အမေရိကန် ကောင်စစ်ဝန် ချုပ်ထံ အကြောင်းကြားပါတယ်။ အကြောင်းကြားပုံက ကျွန်တော့်ကို အမေရိကန်စစ်တပ်က ဇူလိုင်လ ၃၁-ရက်နေ့မှာ အင်္ဂလိပ်ဆက်သွယ်ရေးဌာနသို့ အပ်လိုက်ကြောင်း၊ အမေရိကန်စစ်တပ်ကလည်း ကျွန်တော့်ကို အင်္ဂလိပ်ကဖမ်းခိုင်းလို့ ဖမ်းထားတာဖြစ်ကြောင်း။ ကျွန်တော့်ကိုယ်ပိုင် ပစ္စည်းများ ကိုလည်း ပြန်လည်ပြီးပေးကြောင်း ကြေညာပါတယ်။ ဒါကြောင့် ခု အင်္ဂလိပ်စစ်လေယာဉ်ပျံနဲ့ ကိုယ့်ဗမာပြည်ကို ပြန်ရောက်လာခြင်းဖြစ်ပါတယ်။””

          ယင်းသို့ ဒေါက်တာဘမော်က သူ့ကိုယ်တွေ့ကိုပြောပြသည်။ အချိန်အားဖြင့် နာရီဝက်ခန့်

ကြာသွားသည်။ ပြီးနောက် သတင်းထောက်များကလည်း မသိ၊ မရှင်းသည့်အချက်နှင့် သူတို့ သိလိုသောအချက်များကို မေးမြန်းပါသည်။ ဒေါက်တာဘမော်ကလည်း တတ်နိုင်သမျှ ဖြေဆိုပါသည်။ ဖြေဆိုပြီးသောအခါ ..

ကျွန်ုပ်စပ်စု။    ။ ကျွန်တော့်ရဲ့မိတ်ဆွေကြီး ဆူဘတ်ချန်ဒရာဘို့(စ်)ကော ဘယ်လိုနေပါသလဲ။

ဒေါက်ဘမော်။  ။ ဆူဘတ်ချန်ဒရာဘို့(စ်)ဟာ တရုပ်ပြည်ဖေါ်မိုဆာ မှ ဂျပန်ပြည်ကို လေယာဉ်ပျံနဲ့ အသွားလမ်းမှာ လေယာဉ်မီးလောင်ပြီးပျက်ကျပါတယ်။ လေယာဉ်ပျံတစ်ခုလုံး

                             ရစရာမရှိအောင် ပျက်စီးသွားတယ်။ ဆူဘတ်ချန်ဒရာဘို့(စ်)နဲ့တူ ပါသွားတဲ့ ဗမာပြည်က တတိယတန်း စစ်ဗိုလ်ချုပ်ကြီးတော့ ဒီနေရာမှာပဲ ပွဲချင်းပြီး သေဆုံးသွားတယ်။ ဆူဘတ်ချန်ဒရာဘို့(စ်)ကတော့ မီးလောင်တဲ့ဒဏ်ရာနဲ့ တိုင်ဟိုကူး ဆေးရုံမှာ တက်ရောက်ကုသနေတာ ၂-ရက်အကြာမှာပဲ ကွယ်လွန်အနိစ္စရောက် တယ်လို့ ကျွန်တော် အသေအချာသိခဲ့ပါတယ်။

          ဆူဘတ်ချန်ဒရာဘို့(စ်)နှင့်ပတ်သက်၍ မမျှော်လင့်သောသတင်းဆိုးကြီးကို ဒေါက်တာဘမော် ထံမှ ကြားလိုက်ရသည့်အချိန်မှစပြီး လူ့လောကကြီး၏ အပြောင်းအလဲမြန်သောသဘောတရားကို သွား၍ သတိထားလိုက်မိသည်။ သူ့ကို လွန်စွာမှချစ်မြတ်နိုးသောကြောင့် ၀မ်းနည်းမိသည်။ သူ့ကိုချစ်သောမေတ္တာစိတ်ဖြင့် နှမြောတသလည်း ဖြစ်မိပါသည်။ ““သြော်.. ကိုယ့်မိတ်ဆွေကြီး ဆူဘတ်ချန်ဒရာဘို့(စ်)တစ်ယောက် ကွယ်လွန်လေပြီကိုးဟူ၍ တွေးမိပြီး အားငယ်သလိုလိုလည်း ဖြစ်မိပါသည်။

          ဤသို့ ဒေါက်တာဘမော်ကပြောလိုက်စဉ် ဒေါက်တာဘဟန်က မေ့နေသော အကြောင်းအရာ တစ်ခုကို သတိပြန်ရလေဟန်ဖြင့် ““ကျွန်တော့်အိမ်ကို ဗုံးချတုန်းက ပထမဆုံးရောက်လာတာ ခင်ဗျားနဲ့ ဆူဘတ်ချန်ဒရာဘို့(စ်)မဟုတ်လား...။ အခုလို ကိုယ့်မိတ်ဆွေကြီးတစ်ယောက် ဆုံးရှုံးပျက်စီးရတာ ၀မ်းနည်းစရာပဲဗျာ””ဟူ၍ ကျွန်ုပ်ကိုကြည့်ကာ ၀မ်းနည်းကြေကွဲသောအသံဖြင့် ပြောလေသည်။ ထိုစဉ်တွင်မှ ဒေါက်တာဘဟန်အိမ်ဗုံးချစဉ်က အဖြစ်အပျက်များသည် ကျွန်ုပ်၏စိတ်အာရုံဝယ် ထင်ထင်ရှားရှားကြီး ပေါ်လာပြန်ပါသည်။

          သည်အကြောင်းကိုပင် ကျွန်ုပ်သည် မိတ်ဆွေကြီးတစ်ဦးဖြစ်သူ ဗိုလ်ချုပ်အောင်ဆန်းအား သွား၍ပြောပြပါသည်။ ဗိုလ်ချုပ်အောင်ဆန်းလည်း ကျွန်ုပ်ကဲ့သို့ပင် ၀မ်းနည်းတသဖြစ်ကြောင်းကို သူ၏ညှိုးနေသောမျက်နှာထားက သက်သေခံလျက်ရှိလေသည်။

          လောက၌ရှိသော လူသားများသည် မျိုးမတူဇာတ်မတူအချင်းချင်း ပေါင်းသင်းဆက်ဆံကြ၏။ ကြာ၍လာလေသော် တစ်ဦးအပေါ်တစ်ဦး သံယောဇဉ်ကြိုး သွယ်ယှက်လာလေသည်။ တစ်ယောက် သောသူမှာ မမျှော်လင့်ပဲပျက်စီးဆုံးရှုံးသွား၏။ ကျန်ရှိသောသူများက ၀မ်းနည်းကြေကွဲလေသည်။ ဤသည်တို့ကား တစ်ယောက်အပေါ်တစ်ယောက် ထားရှိသော ချစ်ကြည်မှုပင် မဟုတ်တုံလော။

          ထို့နောက် နှစ်ရက်လွန်မြောက်လာလေသောအခါ နံနက် ၈-နာရီတွင် ကျွန်ုပ်အပါအ၀င် မိတ်ဆွေတစ်စုသည် ဒေါက်တာဘမော်နှင့်အတူ ရွှေတိဂုံဘုရားသို့ တက်ရောက်၍ ဖူးမျှော်လေသည်။ ပြီးလျှင် ဒေါက်တာဘမော်အိမ်၌ ဗုဒ္ဓဘာသာဘုန်းတော်ကြီးများကို ပင့်၍ ဆွမ်းကျွေးလေသည်။