ယမ်းတောင့်ကျည်ဆန်နှင့်တူသောကျွန်ဘ၀

ယမ်းတောင့်ကျည်ဆန်နှင့်တူသောကျွန်ဘ၀

ကျွန်ုပ်တို့တတွေ သူတစ်ပါး၏လက်အောက်မှာ နေခဲ့ရသည့်အခါက ဘာနှင့်သဏ္ဍာန်တူသလဲ ဆိုတော့ ယမ်းတောင့်ကျည်ဆန်နှင့်အင်မတန်မှတူပါသည်။ အုပ်ချုပ်သည့်သူကတော့ သေနတ်နှင့် တူပါသည်။ ကျည်ဆန်ဟာ သေနတ်ထဲကိုထည့်ပြီးထားလိုက်လျှင် သေနတ်ကိုင်ထားသူ၏လက်မှ သေနတ်ထဲကကျည်ဆန်ဟာ ဘယ်ကိုလှည့်ပြီးပစ်ပစ် ကျည်ဆန်ဟာထွက်ရမှာပါပဲ။ ဒါတင်မကသေး ပါဘူး။ ကျည်ဆန်ဟာ သေနတ်ထဲမှာနေရ၍ အုပ်ချုပ်သူ၏လက်ထဲကကိုင်ထားသည့်သေနတ်ဟာ ကျွန်ုပ်၏ဆွေမျိုးမိဘ ညီအစ်ကိုမောင်နှမမိတ်ဆွေသူငယ်ချင်းများဘက်ကိုပဲလှည့်၍ ခလုပ်ဆွဲပြီးပစ် လိုက်တော့ ကျည်ဆန်ဟာမထွက်ပဲမနေနိုင်ပါဘူး။ ထွက်ရမှာပါပဲ။ ဒါကတော့ကျည်ဆန်၏အပြစ် မဟုတ်ပါဘူး။ သေနတ်ကိုင်ထားတဲ့အုပ်ချုပ်သူ၏အပြစ်သာဖြစ်ပါသည်။

ယခုကျွန်ုပ်ပြောဆိုရေးသားဦးမည့်သင်ခန်းစာတစ်ခုဟာ အားမညီမျှသည့်အခါမှာ အောင့်အီး မျိုသိပ်ထားပြီး အားအင်ပြည့်ဝလာသည်အထိ စောင့်မျှော်ရမည်ဆိုသည့် သင်ခန်းစာလေးတစ်ခုပါပဲ...။ ဒီသင်ခန်းစာဟာ ကျွန်ုပ်တို့၏ကျေးဇူးရှင် အမျိုးသားစိတ်ဓါတ်ပြင်းထန်သည့် ဆရာတော်ဦးဥတ္တမ ကိုယ်တော်ကြီးဟာ လွန်ခဲ့သည့် ၃၈နှစ်လောက်အချိန်အခါကဟောပြောခဲ့သည့် သင်ခန်းစာကလေး တစ်ခုဖြစ်ပါသည်။ ဆရာတော်ဦးဥတ္တမကိုယ်တော်ကြီးဟောပြောခဲ့သည့်သင်ခန်းစာကလေးကို ကျွန်ုပ်ဟာ ယခုစာရေးနေသည့်အချိန်အထိ မမေ့သေးပါဘူး။ နားထဲမှာယခုတိုင်ကြားနေမိပါသည်။ ဆရာတော် ဦးဥတ္တမတရားဟောသည့်အကြောင်းရင်းပုံပြင်ရာဇ၀င်ကလေးကတော့ ဒီလိုပါ....၊

လွန်လေပြီးသောအခါက တောကြီးတစ်တောမှာ ကျွဲအုပ်ကြီးတစ်အုပ်ရှိတယ်။ ဒီကျွဲအုပ်ကြီးထဲမှာ ကျွဲထီးကြီးတစ်ကောင်ဟာမင်းမူပြီး အကြီးအကဲဗိုလ်လုပ်နေတယ်။ ကျွဲမှန်သမျှ မွေးထုတ်လိုက်သည့် ကျွဲထီးကလေးများကို နင်းနင်းပြီး၊ ဝှေ့၍ဝှေ့၍သတ်ပစ်လိုက်တယ်။ ဒါနဲ့ ဒီကျွဲအုပ်ထဲမှာလည်း ကျွဲထီးဆို၍သူတစ်ကောင်ထဲရှိပြီး အမြဲဗိုလ်ကျမင်းမူနေတယ်။ တစ်နေ့ကျတော့ကျွဲမလေးတစ်ကောင်ဟာ ကျွဲထီးလေးတစ်ကောင်ကိုမွေးတယ်။ ကျွဲထီးကြီးသိရင် နင်းပြီးဝှေ့သတ်မှာကြောက်လို့ တောထဲမှာ သွားပြီးဝှက်ထားလိုက်တယ်။ အဲဒီကျွဲထီးလေးဟာ တောထဲမှာနေပြီးတစ်နေ့တစ်နေ့နဲ့ကြီးပြင်းလာတယ်။ ဒီလိုကြီးပြင်းလာတဲ့အခါမှာ သူ့မိခင်ကျွဲမကြီးကိုပြောတယ်၊ ““သူဟာ ဗိုလ်ကျတဲ့ကျွဲထီးကြီးကို သွားဝှေ့မယ်”” လို့ပြောတယ်၊ ကျွဲမကြီးက ““မင်းဟာငယ်သေးတယ်၊ သူနှင့်ခွာရာချင်းမတူသေးဘူး၊ ခွာရာချင်းတိုင်းကြည့်အုံး၊ အားမွေးအုံး””လို့ပြောတယ်။ အဲဒီလိုအင်အားချင်းမတူပဲနှင့်သွားပြိုင်လျှင် မင်းရှုံးပြီးသေမှာပဲ””လို့ ထပ်ပြောပြန်တယ်။

ဒါနဲ့ကျွဲကလေးဟာ တောထဲမှာဗိုလ်ကျနေသည့်ကျွဲထီးကြီးမသိအောင် ခြေရာထွက်တိုင်းလိုက်၊ အားမွေးလိုက်နှင့်နေတဲ့အခါမှာ တစ်နေ့ကျတော့ခွာရာချင်းတူပြီး အားချင်းလည်းပြည့်ဝတူညီလာတယ်။ အဲဒီလိုအခါကျတော့ကျွဲကလေးဟာ ကျွဲကြီးကိုဝှေ့ခတ်ဖို့တောထဲကထွက်လာတယ်။ ကျွဲထီးကြီးကလည်း တောထဲကျွဲကလေးထွက်လာတာကိုမြင်လိုက်တော့ အတင်းပြေးလာပြီးဝှေ့ခတ်တယ်။ တစ်ကောင်နှင့် တစ်ကောင်ဟာလည်း အကြိတ်အနယ်ဝှေ့ကြခတ်ကြတယ်။ တစ်ကောင်နှင့်တစ်ကောင်ဟာ ဒီလိုခတ်ကြ ဝှေ့ကြပြီး၊ နောက်ဆုံးကျတော့ကျွဲကြီးဟာ ကျွဲကလေးဝှေ့ခတ်လိုက်သည့်ဒဏ်ကြောင့် ထွက်ပြေးပြီး သေရရှာတယ်။ ကျွဲကလေးဟာ အရင်တစ်ကြိမ်က ကျွဲကြီးကိုခွာရာချင်းမတူ၊ အင်အားချင်းမတူပဲနှင့် တောထဲကထွက်၍ခတ်လိုက်ပါလျှင် ကျွဲကြီးရဲ့ဝှေ့ခတ်လိုက်မှုဒဏ်ကြောင့် သေသွားရမှာပါပဲ။ ယခုတော့ ကျွဲကလေးဟာ ကျွဲကြီးနှင့်ခွာရာချင်းတူ အင်အားချင်းလည်းတူမှထွက်ပြီးယှဉ်ပြိုင်ခတ်တော့ ကျွဲကလေးနိုင်တာပေါ့၊ ကျွဲကလေးဟာလည်း ကျွဲကြီးကို သေချာစွာအနိုင်ရရှိသွားတော့တာပါပဲ။

အထက်ပါရာဇ၀င်ပုံပြင်ကလေးကဲ့သို့ ကျွန်ုပ်ဟာ ဘယ်အလုပ်မဆို ကြီးကြီးငယ်ငယ် အင်အားမပြည့်ဝသေးပဲနှင့်လုပ်မည်ဆိုလျှင် အားလုံးဟာပျက်စီးဆုံးရှုံးကုန်မှာပါပဲ။ ဒါကြောင့် ဘယ်အလုပ်မဆိုကျွန်ုပ်တို့ဟာ အားအင်ပြည့်ဝစုံလင်မှပြုလုပ်တာဟာ အောင်မြင်မှုကိုသေချာစွာ ရရှိနိုင်ပါသည်။

ဤကဲ့သို့ ဦးဥတ္တမဆရာတော်ဟောသောတရားများကို အင်္ဂလိပ်အစိုးရက သဘောမကျပါသဖြင့် ဆရာတော်ဦးဥတ္တမကိုယ်တော်ကို ဖမ်းဆီးလိုက်ပါသည်။ ဟိုစဉ်အခါက (ဖျာပုံအရေးပိုင်လုပ်ခဲ့ဖူးသူ) ဦးဘိုးလှက (သမတဟောင်းဒေါက်တာဘဦး၏အဖေဖြစ်သည်။) ဒီအမှုစစ်ဆေးပြီး စီရင်ချက်ချမှတ်ဖို့ရာ အင်မတန်မှခက်နေတယ်။ ဒီဘက်ကလည်း အမျိုးသားစိတ်ဓါတ်ပြင်းထန်လှသည့် ဆရာတော်ဦးဥတ္တမ ကိုယ်တော်၊ ကျွန်ုပ်တို့၏မြန်မာလူမျိုး၊ တစ်ဖက်ကလည်း တိုင်းပြည်အုပ်ချုပ်နေသည့် အင်္ဂလိပ် အစိုးရ၊ ဒီအချိန်တုန်းကဦးဘိုးလှဟာ အုပ်ချုပ်သူများရဲ့လက်ထဲမှာကိုင်ထားသည့်သေနတ်ထဲက ကျည်ဆန်လိုဖြစ်နေတယ်။ ဆရာတော်ဦးဥတ္တမဟာ ကိုယ့်မြန်မာအမျိုးသား ဆရာတော်ဖြစ်နေပေမယ့် အုပ်ချုပ်သူဟာ သူ၏လက်ထဲကသေနတ်ကို ခလုတ်ဆွဲလိုက်တော့ ကျည်ဆန်ဟာ မထွက်ချင်ပေမယ့် မနေရပါဘူး။ ထွက်ရတော့မှာပါပဲ။ ဒါကြောင့်ဦးဖိုးလှဟာ အင်္ဂလိပ်အစိုးရအမိန့်နှင့် ဆရာတော်ဦးဥတ္တမ ကိုယ်တော်ကို ထောင်ချလိုက်ပါသည်။

ဒီဦးဘိုးလှဟာ ဖြူဖြူသန့်သန့်နှုတ်ခမ်းမွေးထားပါသည်။ လွန်ခဲ့သော အနှစ်၃၀-လောက်က ကျွန်ုပ်ဟာ ပုသိမ်မြို့ (B.O.C) ရေနံဆီအေးဂျင်းကိုယ်စားလှယ်ထံမှာ တစ်နှစ်ကျော်လောက် ၀ိုင်းဝန်းကူညီလုပ်ကိုင်ဆောင်ရွက်ပေးနေသည့်အချိန်က ကျွန်ုပ်နှင့်အလုပ်အတူ လုပ်ကိုင်ဆောင်ရွက် နေသူတစ်ဦးဟာ ဦးဘိုးလှကိုအင်မတန်မှချစ်ခင်ရင်းနှီးပါသည်။ ဦးဘိုးလှကိုတွေ့သည့်အခါကျလျှင် ဘကြီး၊ ဘကြီးလို့ခေါ်တယ်။ ကျွန်ုပ်ကလည်း ကျွန်ုပ်နှင့်အတူတူ ကူညီလုပ်ကိုင်ဆောင်ရွက်နေသူ ခေါ်သည့်အတိုင်း ဘကြီးလို့ပဲခေါ်ပါသည်။ ဦးဘိုးလှဟာ နောက်တော့ကျွန်ုပ်နှင့်အင်မတန်မှ ရင်းနှီးသွားပြီး ချစ်ချစ်ခင်ခင်ရှိသွားကြပါတယ်။ ကျွန်ုပ်ဟာ ဦးဘိုးလှကိုအကဲခတ်ကြည့်သည့်အခါမှာ သူဟာ ပညာလည်းရှိတယ်။ အမျိုးသားစိတ်မရှိသည့် လူစားမျိုးထဲကလည်းမဟုတ်သေးပါဘူး။ အမျိုးသားစိတ်ဓါတ်လည်းရှိပါသည်။ ဟိုစဉ်အချိန်က ဆရာတော်ဦးဥတ္တမကိုထောင်ချလိုက်ရတာဟာ အုပ်ချုပ်သူအင်္ဂလိပ်လက်ထဲကကိုင်ထားသည့် သေနတ်ထဲကကျည်ဆန်ဘ၀မျိုးဖြစ်နေပါ၍ မလွှဲမကင်းသာနှင့် အင်္ဂလိပ်အစိုးရ၏အမိန့်အရ အပြစ်ပေးထောင်ချလိုက်ရခြင်းဖြစ်ပါသည်။

ယခု ပြည်ထောင်စုသမတမြန်မာနိုင်ငံတော်မှာ နေထိုင်ကြတဲ့ သန်း၂၀-ကျော်ရှိသည့်လူထုဟာ မလွတ်လပ်ခင် သူတစ်ပါး၏လက်အောက်မှာနေထိုင်ခဲ့ရတဲ့ဟိုဘ၀ဟာ ဘယ်လောက်ကြပ်တည်း ကျဉ်းမြောင်းတည်ဆိုတာ အထက်ပါဆရာတော်ဦးဥတ္တမနှင့် အရေးပိုင်ဦးဘိုးလှတို့၏အကြောင်းကို ဖတ်ရှုကြည့်လိုက်ကြရပါလျှင် သိနိုင်ကြပါသည်။

ဟိုအချိန်အခါတုန်းက သခင်စံဝေဟာ ကျွဲကလေးလိုခွာရာချင်း အင်အားချင်းမတူညီသေးပဲနှင့် သွားပြိုင်လျှင်ရှုံးဖို့ပဲရှိပါတယ်။ ခွာရာချင်း အားချင်းတူညီသည့်အခါမှ ဘာအလုပ်ကိုမဆို လုပ်ကိုင်ပါလျှင် အမြဲတမ်းအောင်မြင်မှုကို ရရှိနိုင်ပါတယ်ဆိုသည့်သင်ခန်းစာကို မှတ်သားထားကြဖို့ အင်မတန်မှ ကောင်းပါသည်။ ကျွန်ုပ်ဟာ နောက်ထပ်အနည်းငယ် ရှင်းလင်းပြောပြချင်ပါသေးသည်။ ယခုလို အင်အားချင်းပြိုင်သည့်အခါမှာ အင်အားချင်းတူညီပြည့်စုံသည့်အခါမှ အားပြိုင်လျှင်အနိုင်ရတယ်ဆိုသည့် သင်ခန်းစာကို ကျွန်ုပ်ဟာ ရေးသားပြောဆိုတင်ပြခဲ့ပါတယ်။